კრეატივი იწურება! სამსახურში კი, ახალი იდეის მოფიქრებას გთხოვენ

თუ მარკეტინგის სფეროში მუშაობ, ეს სცენარი ერთხელ მაინც გამოგიცდია, თუმცა ვის ვატყუებთ, რა ერთხელ: დედლაინამდე მისდღემში 2 საათი რჩება, ეკრანზე კურსორი გეღადავება, შენი ტვინი კი ისეთ „გენიალურ“ იდეებს გთავაზობს, როგორიცაა „დავპოსტოთ რამე ფასდაკლებაზე“ ან ბანალური წინადადება “შენზე მორგებული” აბეზარი ბუზივით დაგზუის.

შენ იწვი, ჩვეულებრივი ლოგიკა კი, ერთსა და იმავე ღრმა ორმოს თხრის, ის უბრალოდ გაიძულებს, ერთი და იგივე მოსაწყენი გზა გაიარო. თუ გინდა, რომ დამკვეთს თვალები აუჭრელდეს, კონკურენტებს კი შურით გული გაუსკდეთ, ტვინს ცოტა პროვოკაცია სჭირდება, რომ შაბლონებიდან ამოვარდეს.

ხოდა, თუ განვითარება გინდა გააგრძელე კითხვა, რათა შენმა ტვინმა დედლაინის წნეხის ქვეშაც კი ორიგინალური კონცეფციები შობოს.

ორი ერთმანეთთან აბსოლუტურად დაუკავშირებელი სიტყვა აიღე და ძალით შეაჯახე.

• როგორ მუშაობს: აიღე შენი პროდუქტი (მაგალითად, საფინანსო აპლიკაცია) და დაუწყვილე პირველივე სულელური სიტყვა, რაც თვალში მოგხვდება (მაგალითად, ტატუ).
• კრეატიული მაგალითი: კამპანია „ცუდი გადაწყვეტილებების დაზღვევა“. ფინტექ ბრენდი სთავაზობს მომხმარებლებს: „თუ ნასვამზე გაიკეთე სულელური ტატუ ან იყიდე ის, რაც საერთოდ არ გჭირდებოდა, ჩვენი აპლიკაცია კვირაში ერთხელ 100%-ით გინაზღაურებს ყველაზე სულელურ შენაძენს“.
• შედეგი: ვირუსული კონტენტი TikTok/Instagram-ზე, სადაც ხალხი ნაბახუსევზე თავისი ყველაზე სულელური დანახარჯებით იღვიძებს.

ამ ტექნიკისას ტვინი ვალდებულია ამ ორს შორის ხიდი გადოს. ბანალური ასოციაციები იმწამსვე ქრება.

როცა იდეა საერთოდ არ მოდის, გადაშალე ნებისმიერი წიგნი, დაადე თითი შემთხვევით სიტყვას და ძალით დააკავშირე შენს პრობლემასთან.

• პრობლემა: როგორ გავყიდოთ ონლაინ-სუპერმარკეტის მიტანის სერვისი, როცა ყველა ერთსა და იმავეს („სწრაფი და უფასო“) გაჰკივის?
• შემთხვევითი სიტყვა: „ქირურგია“.
• ასოციაციური ჯაჭვი: ქირურგია სიზუსტე სტერილურობა ნულოვანი შეცდომა ქირურგიული სიზუსტით აწყობილი შეკვეთა.
• კრეატიული მაგალითი: კამპანია „Zero-Mistake Delivery“. რეკლამა, სადაც კურიერი და შეკვეთის დამკომპლექტებელი ქირურგების ფორმაში არიან გამოწყობილები და ოპერაციის დროსავით სერიოზული სახეებით ალაგებენ ჩანთაში ავოკადოსა და რძეს. სლოგანი: „ჩვენთვის ოდნავ დარბილებული ბანანიც კი კრიტიკული შეცდომაა. პროდუქტის შერჩევა ქირურგიული სიზუსტით“.
• შედეგი: იუმორისტული და თვალსაჩინო ვიზუალი, რომელიც მომხმარებლის მთავარ ტკივილს (გაფუჭებული/შემთხვევითობის პრინციპით არჩეული პროდუქტების მოტანას) ორიგინალურად ეხმიანება.

აიღე ინდუსტრიის ყველაზე სტანდარტული წესი და პირიქით ქენი.

• ჩვეულებრივი დაშვება: ტანსაცმლის ბრენდები გეუბნებიან, რომ მათი ტანსაცმლით იდეალურად და ლამაზად გამოყურები.
• რევერსია: რა მოხდება, თუ ვეტყვით, რომ ჩვენი ტანსაცმლით საშინლად გამოყურებიან?
• კრეატიული მაგალითი: „Overworked & Underslept“ სახლისა და ლაუნჯ-ტანსაცმლის ხაზი. ფოტოებში მოდელები კი არ იღიმიან, არამედ წვანან დივანზე გაწეწილები, თვალებქვეშ შავი წრეებით და ყავის ჭიქით. სლოგანი: „არავის მოატყუო, რომ დღეს რამის გაკეთებას აპირებ. ჩაიცვი კომფორტულად“.
• შედეგი: მომხმარებელი იღებს ნამდვილ, რეალურ ემოციას იდეალურად გაპრიალებული, ყალბი რეკლამების ფონზე.

ყველაზე დიდი შეცდომა იდეების გენერირებისას არის ფრაზა: „ეს ძვირია“, „ეს არ იმუშავებს“ ან „კლიენტი არ დაგვთანხმდება“.

პირველი 15 წუთი სრულიად აკრძალე სიტყვა „არა“. დასვი კითხვა: „რა მოხდება, თუ...?“

• „რა მოხდება, თუ რესტორნის მენიუში კერძების სახელების ნაცვლად ეწერება ემოციები?“
• „რა მოხდება, თუ უძრავი ქონების სააგენტო სახლებს კი არ გაყიდის, არამედ ცუდი მეზობლებისგან დააზღვევს მყიდველს?“
• კრეატიული მაგალითი: „Mystery Menu“  კაფეს კამპანია, სადაც შეკვეთას იღებ არა საჭმლით, არამედ შენი ხასიათით. უკვეთავ „ყოფილმა მომწერა“-ს და მიგაქვთ ცხარე ტაკო და მარგარიტა, ან უკვეთავ „ორშაბათი დილა“-ს და იღებ სამმაგ ესპრესოსა და შოკოლადს.

მიეცი გიჟურ იდეებს არსებობის უფლება. სწორედ ასეთი აბსურდიდან იბადება ხოლმე ყველაზე ვირუსული კამპანიები.

როცა დავალება დიდია (მაგალითად: „მოიფიქრე ბრენდის ახალი სტრატეგია“), ტვინი პანიკდება და იბლოკება.

დაშალე პროცესი სასაცილოდ პატარა დეტალებად:

1. პროდუქტის ყუთის გახსნის ხმა.
2. SMS შეტყობინების ტექსტი შეკვეთის დადასტურებაზე.
3. შეცდომის (404 Error) გვერდი საიტზე.

• კრეატიული მაგალითი: e-commerce საიტმა ნაცვლად სტანდარტული „შეკვეთა მიღებულია“ SMS-ისა, დაიწყო დრამატული, კინემატოგრაფიული შეტყობინებების გაგზავნა: „ოპერაცია დაიწყო. კურიერი გიორგი უკვე ჩანთაში დებს შენს პიცას. ის მზადაა გადალახოს საცობები და წვიმა. ადევნე თვალი მის გმირულ გზას“.
• შედეგი: ხალხი ამ სქრინშოტებს სოციალურ ქსელში უფასოდ პოსტავს და ბრენდს ვირუსულ ცნობადობას უქმნის.

Bolder-ის რჩევა თვითგანვითარებისთვის 

თუ გინდა, რომ ეს ტექნიკები ტვინში ავტომატურად დაგიჯდეს და დედლაინების დროს პანიკაში არ ჩავარდე, გადაიკითხე ეს წიგნები:

• ედვარდ დე ბონო „ლატერალური აზროვნება“ (Lateral Thinking): ისწავლი, როგორ ამოხვიდე აზროვნების სტანდარტული ჩარჩოებიდან და როგორ მართო შენი ტვინი, როცა კრეატივი გჭირდება.
• ჯანი როდარი „ფანტაზიის გრამატიკა“ (The Grammar of Fantasy): თითქოს საბავშვო მწერლის წიგნია, მაგრამ სინამდვილეში იდეების გენერირების საუკეთესო ინსტრუქციაა მარკეტოლოგებისთვის, ეს არის მათთვის ვისაც სურს ისტორიების თხრობა (Storytelling) ახალ საფეხურზე აიყვანოს.

თუ მაინც ჭერი და იდეა არ მოდის, Bolder-ის გუნდი აქ ვართ. ჩვენ შაბლონურ მარკეტინგს არ ვაკეთებთ.